ތިން ދާއިރާއަކުން ކިޔެވުމަށް ހުރިހާ ޚަރަދަކާއި އެކު ތިން ކޯހެއްގެ ފުރުސަތު ޖަޕާނުން ރާއްޖެއަށް ދީފިއެވެ.
މިކަމާއި ގުޅިގެން މަތީ ތަޢުލީމާއި ބެހޭ ވުޒާރާއިން ބުނެފައިވަނީ ”ޖަޕަނީޒް ގަވަމެންޓް ސްކޮލަޝިޕް 2025" ގެ ދަށުން ތިން ދާއިރާއަކުން ރާއްޖޭގެ ދަރިވަރުންނަށް ޖަޕާނުގެ ޔުނިވާސިޓީތަކުގައި ކިޔެވުމަށް ސްކޮލަޝިޕްގެ ފުރުސަތު ލިބިފައިވާކަން ރާއްޖޭގައި ހުންނަ ޖަޕާން އެމްބަސީން އަންގާފައިވާ ކަމަށެވެ.
މި ސްކޮލާޝިޕް ގެ ދަށުން ހުރިހާ ހަރަދެއް ދިނުމަށް ހަމަޖެހިފައިވަނީ ސްކޮލަޝިޕް އިންތިޒާމް ކުރާ ފަރާތުންކަމަށް ހަޔަރ އެޑިއުކޭޝަން މިނިސްޓްރީން ވަނީ ބުނެފައެވެ.
ޖަޕާނުގައި ކިޔެވުމަށް ސްކޮލަޝިޕަށް ހުޅުވާލި ދާއިރާތަކާއި ހުށައެޅޭނެ ސުންގަޑި:
1) ރިސާޗް ސްޓޫޑެންޓްސް – 27 މޭ 2024
2) ސްޕެޝަލައިޒް ޓްރެއިނިންގް ކޮލެޖް ސްޓޫޑެންޓްސް - 3 ޖޫން 2024
3) ކޮލެޖް އޮފް ޓެކްނޮލަޖީ ސްޓޫޑެންޓްސް - 3 ޖޫން 2024
We are pleased to announce Japanese government scholarship 2024.
Apply now!
Deadline:
Research students: May 27, 2024
Specialized Training College students: June 03, 2024
College of technology students: June 03, 2024
Info: https://t.co/MeIsFQTaUC pic.twitter.com/ziu2O1pkdi— Min. of Higher Edu, Labour and Skills Development (@MoHEmv) May 15, 2024
ސްކޮލަޝިޕަށް ކެންޑިޑޭޓުން ހޮވުމުގެ ގޮތުން އެޕްލިކޭޝަން ރިވިއުކޮށް ޓެސްޓް އަދި އިންޓަވިއު މަރުހަލާއަށް ކެންޑިޑޭޓުން ޝޯޓްލިސްޓު ކުރުމުގެ މަސައްކަތް ކުރާނީ ރާއްޖޭގައި ހުންނަ ޖަޕާނު އެމްބަސީން ކަމަށާއި ޓެސްޓާއި އިންޓަވިއު ވެސް ކުރިއަށްދާނީ އެ އެމްބަސީގައި ކަމަށް އެވުޒާރާއިން ބުނެފައިވެއެވެ.
