ރާއްޖޭގެ މަސްވެރިކަން ކުރިއެރުވުމާއި ގުޅޭ މަޝްވަރާތަކެއް ރާއްޖެ އާއި ޗައިނާއާއި ދެމެދު ކޮށްފިއެވެ.
މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ހާމަ ކުރެއްވި ގޮތުގައި އެވުޒާރާގެ ވަޒީރު ޝިޔާމާއި ވުޒާރާގެ އިސް އޮފިޝަލުން، ރާއްޖޭގައި ހުންނަވާ ޗައިނާގެ ސަފީރު ވަންގް ލިކްސިން އާއި ޗައިނާގެ ފުޖިއަން ޕްރޮވިންސްގެ ޑިޕާޓްމަންޓް އޮފް އޯޝަން އެންޑް ފިޝަރީޒް ރިސޯސަސްގެ އިސް އޮފިޝަލުންނާއެކު ވަނީ މަޝްވަރާ ބައްދަލުވުމެއް ބާއްވާފައި ވާކަމަށެވެ.
މިބައްދަލުވުމުގައި ރާއްޖޭގެ މަސްވެރިކަމާއި ކަނޑުގެ ވަސީލަތްތައް ތަރައްޤީކުރުމާ ގުޅޭ ގޮތުން ވަނީ މަޝްވަރާކޮށްފައެވެ.
މި ބައްދަލުވުމުގައި ވަޒީރު ޝިޔާމް ވަނީ މަސްވެރިކަމުގެ ސިނާޢަތުގައި ވުޒާރާގެ ހުނަރާއި ޢިލްމު އިތުރުކުރުމަށްޓަކައި ކެޕޭސިޓީ ބިލްޑިންގ، މެރިކަލްޗަރ، އަދި އެކްސްޕްލޮރޭޓަރީ ފިޝިންގ އަށް އެއްބާރުލުން ދިނުމަށް ޝައުޤުވެރިކަން ފާޅުކުރައްވާފައެވެ.
Minister Shiyam and senior officials of the Ministry met with the Chinese ambassador to the Maldives, Wang Lixin, and the senior officials delegation from the Department of Ocean and Fisheries Resources of Fujian Province, China. They exchanged discussions on the development of… pic.twitter.com/DxyQ6DnRws
— Ministry of Fisheries and Ocean Resources (@MFORmv) May 28, 2024
މީގެ އިތުރުން ރާއްޖޭގައި މަސް ބަންދުކުރުމުގެ ސިނާޢަތުގައި ބަދަލުކުރުމަށް ސަރުކާރުން އިސްކަންދޭ ކަންކަން ވަޒީރު ވަނީ ފާހަގަކުރައްވައި ޗައިނާގެ އިންވެސްޓްމަންޓްތަކަށް މަރުހަބާ ވިދާޅުވެފައެވެ.
މިބައްދަލުވުމުގައި ޗައިނާގެ ފުޖިއަން ޕްރޮވިންސްގެ އިސް އޮފިޝަލުން ބައިވެރިވެލެއްވި އިރު، ފުޖިއަން ޕްރޮވިންސަކީ މަސްވެރިކަމާއި ކަނޑުގެ ވަސީލަތްތައް ތަރައްޤީކުރުމުގެ ދާއިރާއިން އެންމެ ކުރިއަރާފައިވާ އެއް ސަރަހައްދުކަން ފާހަގަކޮށްލެވެއެވެ.
