ގދ. ވާދޫ ކައިރިއަށް ޑައިވިނަށް ގޮސް އުޅުމުގެ ތެރޭގައި ޑީކޯވި ބިދޭސީއަކު އިތުރު ފަރުވާއަށް މާލެގެންގޮސްފިއެވެ.

ޑރ. އަބްދުއްސަމަދު މެމޯރިއަލް ހޮސްޕިޓަލުން މައުލޫމާތު ދެއްވި ގޮތުގައި މި މީހާ ފުރަތަމަ ގެންދެވުނީ ވާދޫ ހެލްތު ސެންޓަރަށް ކަމާއި އަބްދުއްސަމަދު މެމޯރިއަލް ހޮސްޕިޓަލަށް ގެނެވުނީ ހާލު ދެރަވެގެން ކަމުގައި ވިދާޅުވި އެވެވެ.

ތިނަދޫ ހޮސްޕިޓަލް އަށް ގެންދިއުމަށް ފަހުގައިވެސް އެނާގެ ހާލު އިތުރަށް ދެރަވަމުން ދިއުމުގެ ސަބަބުން އެމްއެންޑީއެފްގެ ހެލިކަޕްޓަރުގައި އިތުރު ފަރުވާއަށް ވަނީ މާލެ ގެންގޮސްފައެވެ.

މައުލޫމާތު ލިބިފައިވާ ގޮތުގައި ޑައިވިން ކުރަނިކޮށް ޑީކޯ ވެގެން މާލެ ގެންދެވުނު ބިދޭސީ އަކީ އުމުރުން  24 އަހަރުގެ މީހެކެވެ.

A medical evacuation of a 24-year-old male, in critical condition has been carried out from Gdh.Thinadhoo DR.Abdul Samad Memorial Hospital to Male' City by MNDF Sothern Area Command via MNDF Helicopter today at 14:27 hrs. pic.twitter.com/KOKdhN9lV9

— Maldives National Defence Force (@MNDF_Official) June 9, 2021

އެމްއެންޑީއެފް އިން ހާމަ ކޮށްފައިވާ ގޮތުގައި ބިދޭސީ މީހާ މާލެ ގެނެވުނީ މިއަދު މެންދުރު 14:27 ގައެވެ.