ކޮވިޑް-19 ގައި ރާއްޖެއިން އިތުރު މީހަކު ނިޔާވެ، މި ބަލީގައި ޖުމްލަ ނިޔާވި މީހުންގެ އަދަދު 200 އާއި ގާތަށް ޖެހިލައިފި އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފައިވަނީ މިއަދު 11:19 ހާއިރު ޑީއެޗް-11 ގައި ފަރުވާދެމުން ދިޔަ މީހަކު ނިޔާވެފައިވާކަމަށެވެ.
އެގޮތުން ނިޔާވެފައިވަނީ އުމުރުން 55 އަހަރުގެ ދިވެހި އަންހެނެކެވެ. މިއާއެކު ކޮވިޑް-19 ގައި ރާއްޖެއިން ނިޔާވި މީހުންގެ އަދަދު ވަނީ 198 ކަށް އަރާފައެވެ.
ރާއްޖެއިން މިހާތަނަށް ޖުމުލަ 70،301 މީހުން ކޮވިޑް-19 އަސް ޕޮޒިޓިވްވެފައިވެއެވެ. މިވަގުތު އެކްޓިވް ކޭސްތަކުގެ ގޮތުގައި ތިބީ 9،326 މީހުންނެވެ. އަދި ހޮސްޕިޓަލުގައި އެޑްމިޓް ކޮށްގެން 88 މީހުން ފަރުވާދެމުން އަންނަކަމަސް އެޗްޕިއޭއިން މައުލޫމާތުދެއެވެ.
