އެމެރިކާ އިން ފުރައިގެން ޓައިވާނަށް ދަތުރުކުރަމުންދާ ހޮންކޮންގގެ "އެމް.ޓީ – ނިއު މެލޮޑީ" ނަމަކަށްކިޔާ އާގު ބޯޓުގައި އޮތް ހާލުބޮޑު ބަލި މީހަކު ސިއްހީ އަވަސް ފަރުވާއަށް، އެމްއެންޑީއެފް ސަދަން އޭރިއާގެ އެހީތެރިކަމާއެކު އައްޑޫ ސިޓީ ފޭދޫއަށް ގެންގޮސްފައިވާކަމަސް އެމްއެންޑީއެފުން ބުނެފިއެވެ.
އެމްއެންޑިއެފުން ބުނެފައިވަނީ މި ހާދިސާގެ މައުލޫމާތު އެމްއެންޑީއެފް ކޯސްޓްގާޑް މެރިޓައިމް ރެސްކިއު ކޯޑިނޭޝަން ސެންޓަރަށް ލިބިފައިވަނީ މިމަހުގެ 26 ވަނަ ދުވަހުގެ 21:58 ހާއިރުކަމަށެވެ.
އަދި ސަރުކާރުގެ ކަމާބެހޭ އިދާރާތަކުގެ ހުއްދައާއިއެކު މި ބޯޓު ސ.ގަމުގެ އިރުން 8 ނޯޓިކަލް މޭލާއި ހަމައަށް ކައިރިކުރުމުން އެމްއެންޑީއެފް ސަދަން އޭރިއާގެ ސިފައިން ބޯޓު އޮތް ސަރަހައްދަށް ގޮސް އެ ބަލި މީހާ ކޯސްޓްގާޑް ލޯންޗަށް ނަގާފަވާކަމަށްވެސް މައުލޫމާތުދީފައިވެއެވެ.
America in Taiwan ah dhathurukuramun dhaa beyruge aagu boat ge falhuveriyaku, haaluboduvegen MNDF SA CG Squadron ge eheetherikamaaeku miadhu 11:27 haairu Addu City Feydhoo ah gengos dheefi. Mi haadhisaage report libifaivanee mi mahuge 26 vana dhuvahuge rey 21:58 haairu. pic.twitter.com/uh9zxncNFK
— Maldives National Defence Force (@MNDF_Official) June 28, 2021
މައުލޫމާތު ލިބިފައިވާ ގޮތުގައި އެ ބަލިމީހާއަކީ 27 އަހަރުގެ ޗައިނާގެ ރައްޔިތެއްކަމަށާއި، މި ފިރިހެން މީހާ އައްޑޫ ސިޓީ ފޭދޫއަށް ގެންގޮސްދީފައި ވަނީ މިއަދު 11:27 ހާއިރު ކަމަށެވެ.
