ގދ. ތިނަދޫގައި ގިނަވެފައި ހުރި 8،000 ޓަނުގެ ކުނި ވެމްކޯއިން ސާފުކޮށްފި އެވެ.
އެ ކުންފުނިން ބުނިގޮތުގައި މި މަސައްކަތް ނިންމާލާފައިވަނީ 90 ދުވަހުގެ ތެރޭގައެވެ. މިއީ ރާއްޖޭގެ ރަށްތަކުގައި ގިނަވެފައި ހުރި ކުނި ނައްތާލަން ސަރުކާރުން ކުރިއަށްގެންދާ ޕްރޮޖެކްޓިގެ ދަށުން ކުރިއަށްގެންދިޔަ މަސައްކަތެކެވެ.
ވެމްކޯއިން އާއްމުކޮށްފައިވާ ފޮޓޯތަކުން ފެންނަ ގޮތުގައި ތިނަދޫ ކުނިގޮނޑު ސަރަހައްދު އެއްކޮށް ވަނީ ސާފުކޮށްފައެވެ. އެ ކުންފުނިން ވަނީ ކޯވިޑް-19ގެ ބަލިމަޑުކަމުގެ ތެރޭގައިވެސް ބުރަކޮށް މަސައްކަތް ކުރީތީ އެ ކުންފުނީގެ މުވައްޒަފުންނަށް ޝުކުރު އަދާކޮށްފަ އެވެ.
މި ޕްރޮޖެކްޓު ވެގެންދާނީ ރައްކާތެރިކަމާއެކު ކުނި ނައްތާނެ ނިޒާމެއް ގާއިމް ކުރުމުގައި ތިނަދޫގައި އެޅޭ ފުރަތަމަ ފިޔަވަޅަށް ވާނެ ކަމަށް ވެމްކޯއިން ބުންޏެވެ.
Our teams have successfully cleared 8,000 tons of accumulated waste at GDh. Thinadhoo in just under 90 days. We're thankful for our team who worked even in unfavorable weather and during the 2nd wave of the pandemic. @AdamMhmd_ @MoEnvmv #WAMCOLegacyWaste pic.twitter.com/WvvuJMhFh0
— Waste Management Corporation Limited (WAMCO) (@WAMCOmv) July 12, 2021
ވެމްކޯއިން ވަނީ ތިނަދޫގެ އިތުރުން ކުޅުދުފުއްޓާއި ފުވައްމުލައް ސިޓީގައި ވެސް ގިނަވެފައި ހުރި ކުނި ސާފުކޮށްފަ އެވެ.
މި ޕްރޮޖެކްޓުގެ ދަށުން މިހާރުވެސް އެކި ރަށްރަށުގައި ކުނި ސާފު ކުރުމުގެ މަސައްކަތް ދަނީ ކުރަމުން ނެވެ.
