ޕާޓީ ޕޮލިޓިކްސްއަށްވުރެ ގައުމާއި ރައްޔިތުންގެ މަސްލަހަތު އިސްކުރަންޖެހޭ ކަމަށް ވިލިނގިލީ ދާއިރާގެ މެންބަރު ސައުދު ހުސައިން ވިދާޅުވެއްޖެއެވެ.
ސައުދު ވިދާޅުވީ، ސިޔާސީ ބޮޑުންގެ ކޯޅުމާހެދި ރައްޔިތުން ހަނާވަމުންދާ ކަމަށެވެ. އަދި މިއީ ސަރުކާރާއި ގުޅިގެން އެންމެން އެކުގައި ހާލަތު ރަނގަޅުކުރަން މަސައްކަތްކުރަންވީ ވަގުތު ކަމަށް ވެސް އޭނާ ވިދާޅުވިއެވެ.
އޭނާ ވިދާޅުވީ، ބައިބައި ވުމަކުން ރައްޔިތުންނަށް ހޯދައިދެވޭނެ ލުޔެއް ފެނިވަޑައި ނުގަންނަވާ ކަމަށާއި، އަދި ޕާޓީ ޕޮލިޓިކްސްއަށްވުރެ ގައުމާއި ރައްޔިތުންގެ މަސްލަހަތު އިސްކުރަންޖެހޭ ކަމަށް ވެސް ވިދާވިއެވެ.
Siyaasy veringe koalhumā hedhi rayithun hanā vamun midhany, mi ee sarukārā eku enmen gulhigen rayyithunge hālath ragalhu kurumah masakkai kuranvy vaguthu, baibai vumakun rayithunah hoadha dheveyne luyeh nufeney. Party politics ah vure gaumai rayyithunge maslahathu iskuran jehey.
— Saud Hussain (@SaudVillingili) July 17, 2021
ގާނޫނުލްއުގޫބާތަށް އިސްލާހު ގެންނަން ސަރުކާރުން ހުށަހަޅާފައިވާ ނަފުރަތުގެ އަމަލުގެ ބިލަށް ރައީސް ސަރުކާރުން ތާއީދު ނުކުރާނަމަ، އެކުގައި މަސައްކަތް ނުކުރެވޭނެ ކަމަށް ރައްޔިތުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު މިއަދު ވިދާޅުވެފައި ވަނިކޮށް އެކަމާއި ގުޅިގެން ވެސް ސައުދު ވަނީ ވާހަކަ ދައްކަވާފައެވެ.
އެވާހަކައާއި ގުޅިގެން ސައުދު ވިދާޅުވީ، ނަފުރަތުގެ ބިލުން އުފަންވެގެން މިދަނީ އިތުރު ނަފުރަތު ކަމަށާއި، އެއީ ސަރުކާރު ހޫނު ފެނަށް ލުމަށް ކަށްކަން ބޭނުންކުރާ ދަރަކަށް ނުހެދުމަށް އެދިވަޑަައިގަންނަވާ ކަމަށެވެ.
ގިނަ ޢަދަދެއްގެ ދީނީ ޢިލްމް ވެރިންނާއި، މެޖޯރިޓީ ދިވެހި ރައްޔިތުން މި ބިލާއި ދެކޮޅު ހަދަމުން ދަނިކޮށް މިފަދަ ބިލެއް ގަދަބާރުން ފާސް ކުރުމަކީ ވަރަށް ހުދުމުހްތާރު ގޮތެއް ކަމަށް ވެސް ސައުދު ވިދާޅިވިއެވެ.
