އައްޑޫ ސިޓީގައި ކޮވިޑް 19 ގެ ހާލަތު ގޯސްވެ، ސިއްހީ ހިދުމަތްތެރިންގެ ގޮތުގައި ހަރަކާތްތެރިވުމަށް ޝައުޤުވެރިވާ ފަރާތްތަކަށް އައްޑޫ އިކުއެޓޯރިއަލް ހޮސްޕިޓަލުން އެ ފުރުޞަތު ހުޅުވާލައިފި އެވެ.
އޭއީއެޗް އިން ކޮށްފައިވާ އިއުލާނެއްގައި ބުނެފައިވަނީ ކޮވިޑް 19 އާއި ގުޅިގެން އެކި އެކި މަސައްކަތްތަށް ކުރުމަށްޓަކައި އައްޑޫ ސިޓީއިން ވޮލިންޓިއަރުން އެ ހޮސްޕިޓަލަށް ބޭނުންވާ ކަމަށެވެ. އަދި އެކަމަށް ޝައުޤުވެރިވާ ފަރާތްތަކުން 07 ސެޕްޓެމްބަރ 2021ވާ އަންގާރަ ދުވަހުގެ 13:00 ގެ ކުރިން ސީވީ އާއެކު އެކަމަށް އެދި ހުށަހެޅުމަށްވެސް އެ އިއުލާނުގައި ބުނެފައިވެ އެވެ.
މީގެ އިތުރުން އޮންލައިންކޮށް ވޮލިންޓިއަރކަމަށް އެދިލައްވަން ބޭނުންފުޅުވާ ފަރާތްތަކުން [email protected] އަށް ސިޓީ އާއި ސީވީ ފޮނުވޭނެކަމަށްވެސް އެ ހޮސްޕިޓަލުން ބުނެފައިވެ އެވެ. މިކަމާ ގުޅޭ އިތުރު މަޢުލޫމާތު ހޯއްދެވުމަށް އެދޭ ފަރާތްތަކުން 6885046 ނަމްބަރ ފޯނަށް ގުޅުއްވައިގެން ކުރިއަށް ގެންދެވުމަށްވެސް އެ ހޮސްޕިޓަލުގެ އިޢުލާނުގައި ވެއެވެ.
