ޏ.ފުވައްމުލަކު ހޮސްޕިޓަލްގެ އިންޓެންސިވް ކެއަރ ޔުނިޓް (އައިސީޔޫ) ގައި 2 ވެންޓިލާޓަރ ބަހައްޓައި ޑޮކްޓަރުންނާއި ނަރުހުން ތަމްރީން ކޮށްފިއެވެ.
ފުވައްމުލަކު ހޮސްޕިޓަލުން ބުނެފައިވަނީ އެ ހޮސްޕިޓަލުގެ އައިސީޔޫަގައި 2 ވެންޓިލާޓަރ ބަހައްޓައި އިންސްޓޯލް ވެސް ކުރެވިފައިވާ ކަމަށެވެ.
އެގޮތުން ވެންޓިލޭޓަރ އިންސްޓޯލް ކޮށް އައިސީޔޫގެ މުވައްޒަފުން ތަމްރީން ކޮށްދީފައިވަނީ އައްޑޫ އެކުއަޓޯރިއަލް ހޮސްޕިޓަލްގެ ބަޔޯ-މެޑިކަލް އެންޖިނިއަރ ޑރ.ދިނޭޝް ކުމާރު ކަމަށް އެ ހޮސްޕިޓަލުން މައުލޫމާތު ދެއްވާފައި ވެއެވެ.
މީގެ އިތުރުން މި ބެހެއްޓިގެން ދިޔަ 2 ވެންޓިލޭޓަރުގެ ސަބަބުން ކުރިއަށް ވުރެ ބޮޑަށް ފުވައްމުލައް ހޮސްޕިޓަލުގެ އައިސީޔޫގެ ހިދުމަތްތައް ރަނގަޅުވެގެން ދާނެ ކަމަށް ވެސް އެ ހޮސްޕިޓަލުން ބުނެއެވެ.
