ރައްޔިތުންގެ މަޖިލީހުގެ މާލިއްޔަތު ކޮމިޓީއިން ރައީސް އާއި ނައިބުރައީސް އާއި ވަޒީރުން އަދި މަޖިލީހުގެ މެމްބަރުންނާއި ސަރުކާރުގެ އެހެންވެސް އިސް ބޭފުޅުންގެ މުސާރަ ބޮޑު ކުުރުަމަށް މަޖިލީހުގެ މާލިއްޔަތު ކޮމިޓީ އިން ވަނީ ފާސްކޮށްފައެވެ.
މިކަމާއި ގުޅިގެން ރައީސް ޑރ މުޙައްމަދު މުޢިއްޒު ވިދާޅުވެފައިވަނީ މިކަމަކީ ސަރުކާރުން އެދޭ ކަމެއް ނޫން ކަމަށެވެ.
“ރައީސް، ނައިބުރައީސް ވަޒީރުންގެ މުސާރަ ބޮޑު ކުރަން ސަރުކާރުން އެދިފައެއް ނުވާނެ، އަދި ބޮޑު ކުރާކަށް ބޭނުމެއްވެސް ނޫން” ރައީސް ޑރ މުޢިއްޒު ވިދާޅުވެފައިވެއެވެ.
މީގެ އިތުރުން މިކަމާއި ގުޅިގެން ރައީސް ވިދާޅުވެފައިވަނީ އެއްެވެސް މަޝްވަރާ އަކާއި ނުލައި މި ގެނައި ބަދަލުގެ ސަބަބުން ލިބޭ މުސާރައިގެ ކުރިއެރުން ކުޑަކުދިންގެ ހިޔާފަދަ އިޖްތިމާއީ ފަންޑަކަށް ހަދިޔާކުރަން އެމަނިކުފާނު ނިންމަވައިފައިވާ ކަމަށެވެ.
Raees, naib raees, vazeerunge musaara bodu kuran sarukaarun edhifa nuvaane. Adhi bodu kuraakah beynumevves noon. Evves mashwara eh kurumehnethi mi genai badhaluge sababun libey musaaraige kuri erun kudakudhinge hiyaa fadha ijthimaaee fund akah hadhiyaa kuran alhugandumen…
— Dr Mohamed Muizzu (@MMuizzu) December 20, 2023
މާލިއްޔަތު ކޮމިޓީއިން ގެންނަން ފާސްކުރި މި ބަދަލާއި އެކު ސަރުކާރުގެ އިސްވެރިންގެ މުސާރަަތައް ވަރަށް ބޮޑުތަނުން ބޮޑުވެގެންދެއެވެ. މަޖިލީހުގެ މެމްބަރުންގެ މުސާރައަށްވެސް އައްޑިހަހާސް ރުފިޔާ ޖެހޭނެއެވެ.
މިކަމާއި ގުޅިގެން ރައްޔިތުންގެ މަޖިލީހުގެ ބައެއް މެމްބަރުންވެސް އެކަމަށް ތާއީދު ނުކުރައްވާނެ ކަމަށް ވިދާޅުވެފައިވެއެވެ. އަދި ރާއްޖޭގެ ސިޔާސީ މަޝްރަހުން ފާހަގަ ކޮށްލެވޭ ގިނަ ބަޔަކު ދަނީ މިކަމާއި ގުޅިގެން ފާޑު ކިޔަމުންނެވެ.
