އިރާންގެ ރައީސް އިބްރާހިމް ރައީސީ އެޤައުމުގެ ސަރުކާރުގެ ބައެއް އިސްވެރިން ދަތުރުކުރެއްވެވި ހެލިކޮޕްޓަރ ވެއްޓުމާއި ގުޅިގެން ރައީސް ޑރ މުޙައްމަދު މުޢިއްޒު ހިތާމަ ފާޅުކުރައްވައިފިއެވެ.
މިކަމާއި ގުޅިގެން ރައީސް ޑރ މުޢިއްޒު އެކްސްގައިި ކުރެއްވެވި ޕޯސްޓެއްގައި ވިދާޅުވެފައިވަނީ އިރާންގެ ރައީސް އިބްރާހިމް ރައީސީ އެމަނިކުފާނުގެ ސަރުކޖާރުގެ ބައެއް އިސްވެރިންނާއި އެކު ދަތުރު ކުރެއްވެވި ހެލިކޮޕްޓަރ ވެއްޓި ހިނގި ހާދިސާގެ ޚަބަރު އަޑުއެއްސެވީ ވަރަށް ފުން ހިތާމަ އާއި އެކުގައި ކަމަށެވެ.
އަދި ދިވެހިރާއްޖޭގެ ސަރުކާރާއި ރައްޔިތުންގެ ނަމުގައި މީހުން ހޯދައި ސަލާމަތް ކުރުމަށް މަސައްކަތް ކުރާ ޓީމް ތަކުގެ މަސައްކަތް ފަސޭހަ ވުމަށް އުންމީދު ކުރައްވާ ކަމަށެވެ.
އަދި އުންމީދު ކުރައްވަނީ ޢިރާންގެ ސަރުކާރުގެ އިސް ވަފުދު ވީ އެންމެ އަވަހަކަށް ސަލާމަތްތެރިކަމާއި އެކު ފެނުން ކަމަށެވެ.
I am saddened to hear the concerning news of the helicopter incident involving President of Iran, His Excellency Dr Ebrahim Raisi and senior delegation.
On behalf of the Government and people of Maldives, I extend my best wishes to the search and rescue operations, for the fast…
— Dr Mohamed Muizzu (@MMuizzu) May 19, 2024
މިކަމާއި ގުޅިގެން އިރާންގެ މީޑިއާތަކުން ބުނެފައިވަނީ ވެއްޓުނު ހެލިކޮޕްޓަރުން ދަތުރުކުރި އެއްވެސް މީހެއްގެ ދިރުމެއް ހުރިކަމަށް އުންމީދުނުކުރެވޭ ކަމަށެވެ. އަދި ހެލިކޮޕްޓަރުން ދަތުރުކުރި ބައެއްމީހުންގެ ހަށިތައް ފެނިފައިވާއިރު އެހަށިތައް އަނދައިފައި ހުރުމުން ކާކުކަން ވަކިކުރަން ނޭނގޭކަމަށެވެ.
