ރަމަޟާން މަހު ޢުމްރާއަށް ވަޑައިގަންނަވާ ފަރާތްތަކަށް ކާޑު ލިމިޓުގެ އިތުރަށް 1500 ޑޮލަރުގެ ލިމިޓެއް ހަމަޖައްސަވައިދެއްވުމަށް ރައީސް ޑރ. މުޙައްމަދު މުޢިއްޒު، ބޭންކް އޮފް މޯލްޑިވްސްއަށާއި، މޯލްޑިވްސް މަނިޓަރީ އޮތޯރިޓީއަށް އަންގަވައިފިއެވެ.
ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ، މިގޮތަށް އަންގަވާފައިވަނީ ރަމަޟާން މަހު ޢުމްރާއަށް ވަޑައިގަންނަވާ ފަރާތަތަކަށް ބޭންކުގެ ރަސްމީ ރޭޓުގައި ޑޮލަރު ހޯދުމުގައި ލުއި ފަސޭހަ ޙައްލެއް ހަމަޖައްސަވައިދެއްވުމުގެ ގޮތުންކަމަށެވެ.
ރައީސްގެ މި އެންގެވުމާއެކު މިހާރު ޑެބިޓް ކާޑުގެ ޑޮލަރު ލިމިޓުގެ ގޮތުގައި ލިބޭ 250 ޑޮލަރާއެކު ޖުމްލަ 1750 ޑޮލަރުގެ ޑޮލަރު ލިމިޓެއް ލިބިގެންދާނެއެވެ.
