ގއ. ވިލިނގިލީގައި ގިނަ އަދަދެއްގެ ޑައިރެކްޓް ކޮންޓެކްޓުން ގިނަވެ އެރަށުގައި ކޮވިޑް-19 އަށް ޕޮޒިޓިވް ވަމުންއަންނަ މީހުންގެ އަދަދު އިތުރުވާން ފަށައިފި އެވެ.
ގއ. އަތޮޅު ހޮސްޕިޓަލުގެ މެނޭޖަރު ޝަރީފު ބުނެފައިވަނީ ހުކުރުދުވަހު ގއ.ވިލިނގިލިން 11 މީހުން ޕޮޒިޓިވް ވެފައިވާކަމަށެވެ. އޭގެ ތެރެއިން 5 މީހުންނަކީ ޑައިރެކްޓް ކޮންޓެކްޓުންނެވެ. އަދި މި 5 މީހުންނަކީ ކުރިން އެރަށުން ޕޮޒިޓިވްވި ފަރާތްތަކުގެ ޑައިރެކްޓް ކޮންޓެކްޓުން ތަކެއް ކަމަށެވެ.
ވިލިނގިލީގައި ހަލުވި ކަމާއެކު ކޮވިޑް-19 ފެތުރެމުންދާތީ ގިނަ އަދަދެއްގެ ރެންޑަމް ސާމްޕަލް ތަކެއްވެސް ދަނީ ނަގަމުންނެވެ.
ހުކުރު ދުވަހު ނެގި ރެންޑަމް ސާމްޕަލް ތަކުގެ ތެރެއިން 6 މީހަކު ވަނީ ޕޮޒިޓިވް ވެފައެވެ. އަދި ފައްސިވި 6 މީހުންގެ ކޮންޓެކްޓް ޓްރޭސިންގ ގެ މަސައްކަތް ފެށިފައި ވާ ކަމަށް މައުލޫމާތު ލިބިފައިވެއެވެ.
ޝަރީފް ބުނެފައިވާ ގޮތުގައި ހުކުރު ދުވަހު ޖުމުލަ 164 ސާމްޕަލްތަކެއް ވަނީ ނެގިފައިއެވެ.
