ގދ. ތިނަދޫގައި ކޮވިޑަށް ޕޮޒިޓިވްވި މީހަކު އޭނާގެ ކުރީގެ އަނބިމީހާގެ ގެއަށް ދިޔަ މައްސަލަ ފެންމަތިވެއްޖެއެވެ.

މައުލޫމާތު ލިބިފައިވާ ގޮތުގައި މިމީހާގެ ކުރީގެ އަނބިމީހާގެ ގެއަށް ގޮސްފައިވަނީ ރޭ 23:00 ހާއިރު އެވެ. އަދި އަނބުރާ ގެއަށް އައުމުގެ މަގުމަތީގައި އިތުރު 2 ގެއަކަށް ވަނުމާ ގުޅިގެން އެ 2 ގެއިންކުރެ ގެއެއްގެ މީހަކު ވަނީ މި މައްސަލަ ރިޕޯޓް ކޮށްފައެވެ.

މިފަދަ ކަންކަމުގައި ކަންކުރަން އެޗްޕީއޭގެ އުސޫލުތައް ހަމަޖެހިފައިވާ ގޮތުގެ މަތިން މި މީހާ ވަނީ ޖޫރިމަނާކޮށްފައެވެ. އެނގިފައިވާ ގޮތުގައި އެމީހާ އަކީ މީގެ ކުރިންވެސް ކަރަންޓީނު އުސޫލާ ޚިލާފުވުމުގެ ސަބަބުން 3 ފަހަރެއްގެ މަތިން ޖޫރިމަނާ ކޮށްފައިވާ މީހެކެވެ.

މަދުންނަމަވެސް އާންމުންގެ ފަރާތުން މިފަދަ އަމަލުތައް ތަކުރާރު ވަމުންދާތީ އެބަޔަކާ މެދު ހަރުކަށި ފިޔަވަޅު އެޅުމުގެ ބާރު ކައުންސިލްތަކަށް ވަނީ ލިބިފައެވެ.