ރައީސް ސޯލިހްގެ ސަރުކާރުން ޖުމްލަކޮށް ކުރެވިފައިވާ މަސައްކަތްތަކަށް ބަލާ އިރު ވަރަށް ރަނގަޅު ކަމަށް އައްޑޫ މީދޫ ދާއިރާގެ މެންބަރު ރޮޒޭނާ އާދދަމް ވިދާޅުވެއްޖެ އެވެ.
މެންބަރު ރޮޒޭނާ ކުރެއްވި ޓުވީޓެއްގައި ވިދާޅުވެފައިވަނީ ރައީސް ސޯލިހްގެ ސަރުކާރުން ޖުމްލަކޮށް ކުރެވިފައިވާ މަސައްކަތްތަކަށް ބަލާ އިރު ވަރަށް ރަނގަޅު ކަމަށާއި ކޮވިޑް-19ގެ މި ހާލަތުގައި އެއްވެސް ޕުރޮޖެކްޓެއް ހުއްޓުމެއްނެތި ކުރިޔަށްދާ ކަމަށެވެ.
އެގޮތުން މި ދަތި ދަނޑިވަޅުގައި ވަޒީފާތަކުން އެއްވެސް ބަޔަކު ކަނޑާލައިފާ ނުވާ ކަމަށާއި ކޮރަޕްޝަންގެ އަމަލުތަކަށް ބަރާބަރަށް ފިޔަވަޅު އަޅުއްވާ ކަމަށްވެސް ރޮޒޭނާގެ ޓުވީޓުގައި ވިދާޅުވެފައި ވެއެވެ.
"ކޮންކަމެއް ނުވެގެންތޯ ބަޔަކު މި ތެޅި ފޮޅެނީ ؟" ރޮޒޭނާގެ ޓުވީޓުގައި ސުވާލު ކުރަމުން ބުނެފައިވެ އެވެ.
Raees @ibusolih ge sarukaarun jumla koh kurevifaiva masakkathah balaa iru v rangalhu. #Covid ge mi haalathuga ves projects thah hingava. Vazeefa in bayaku nukanda. #Corruption ge amalu thakah baraabarah fiyavalhu alhuvvaa. Kon kameh nuvegen tho bayaku mi thelhi folhenee?
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) June 13, 2021
މެންބަރު ރޮޒޭނާ ޓުވީޓު ކުރައްވާފައި މިވަނީ އެމްޑިީޕީގެ ތެރެ ދެބައިވެފައިވާކަން އެ ޕާޓީގެ ޗެއާރ ޕާސަން ހަސަން ލަތީފް ވެސް ވިދާޅުވެފައިވާ ދަނޑިވަޅެއްގަ އެވެ.
