ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ އުސޫލުތަކާއި ހިލާފަށް ހިންގަމުންދިޔަ ބުންބާސް ކެފޭ އެންޑް ރެސްޓޯރެންޓަށް ފުލުހުންނާއި ސިފައިން ވަދެ ބަންދުކޮށްފި އެވެ.
އެ ސަރަހައްދުގައި މިވަގުތު ހުރި އާންމުންގެ މީހަކު މި ނޫހަށް މައުލޫމާތު ދެމުން ބުނީ މިރޭ 11:15 ހާއިރު ހެންވޭރު ބުންނާސް ކެފޭ އެންޑް ރެސްޓޯރެންޓް ހުންނަ ސަރަހައްދަށް ފުލުހުންނާއި ސިފައިން އައިސްފައިވާ ކަމަށެވެ.
އެގޮތުން ފުލުހުންނާއި ސިފައިން އެ ސަރަހައްދަށް އައި ވަގުތު ބުންބާސް ކެފޭ އެންޑް ރެސްޓޯރެންޓް ބަންދު ކޮށްފައިވާ ކަމަށާއި ފުލުހުންނާއި ސިފައިން މިހާރު އެތަނަށް ވަދެ އެތާގައި ތިބި ބައެއް ފަރާތްތަކާއި އެ ކެފޭ ޖޫރިމަނާ ކޮށްފައިވާ ކަމަށް ވެސް އޭނާ މައުލޫމާތު ދެމުން ބުނެފައިވެ އެވެ.
