ކޯވިޑް-19 ފެތުރުން ކޮންޓްރޯލް ކުރުމަށް ފުވައްމުލަކުގަ އިއުލާނުކޮއްފައިވާ ކާފިއު ވަގުތު ކުޑަކޮށްފި އެވެ.
ފުވައްމުލައް ކައުންސިލުން ކޮއްފައިވާ އިއުލާނެއްގައި ބުނެފައިވަނީ މިހާރު ފުވައްމުލަކުގައި ކާފިއު ހިންގާފައި ވަނީ ހަވީރު 6:00ން ފެށިގެން ފަތިހު 4:00 އާ ހަމައަށް ކަމަށެވެ.
ފުވައްމުލަކުގައި އަޅާފައިވާ ފިޔަވަޅުތަކަށް ލުއިތަކެއް ދިނުމަށް ނިންމާފައިވަނީ ހެލްތު ޕްރޮޓެކްޝަން އެޖެންސީ އާ ފުވައްމުލަކު ކައުންސިލުގެ މަޝްވަރާ ގެ މަތިން ކަމަށްވެސް އެ އިއުލާނުގައި ބުނެފައިވެއެވެ.
މީގެ އިތުރުން މި އެންގުމަކީ ރައްޔިތުންގެ ސަލާމަތާއި ރައްކާތެރިކަމަށްޓަކައި އަންގާ އެންގުންތަކެއް ކަމަށާއި އެންގުންތަކާ އެއްގޮތަށް ހުރިހާ ފަރާތްތަކުން އަމަލުކުރުމަށް އިއުލާނުގައި ވަނީ އެދިފަ އެވެ.
