އެމެރިކާގެ އާބާދީގައި ދޮން މީހުންގެ ނިސްބަތް މަދުވާން ފަށައިފިއެވެ.
އެމެރިކާގެ ބޯހިމެނުމުގެ ތަފާސްހިސާބުތައް ދައްކާ ގޮތުން އެޤައުމުގައި ދޮން މީހުންގެ އާބާދީ މަދުވަމުން އަންނަކަމަށް ދައްކައިފިއެވެ. އެޤައުމުގެ ސެންސަސް ބިއުރޯއިން ހާމަކޮށްފައިވާ ގޮތުގައި މިއީ އަލަށް ރެކޯޑމިންވަރަކަށް ދޮން މީހުންގެ އާބާދީ ދަށްވެފައިވާ ފުރަތަމަ ފަހަރުކަމަށްވެސް ވަނީ ހާމަކޮށްފައެވެ.
2020 ވަނަ އަހަރުގެ ތަފާސްހިސާބަށް ބަލާއިރު، ދެކުނު އެމެރިކާގައި ދޮން މީހުންގެ އާބާދީ ރެކޯރޑު މިންވަރަކަށް ދަށްވެފައިވާކަން ހާމަކޮށްފައިވެއެވެ.
ދޮން ނަސްލުގެ މީހުންގެ އާބާދީ ބޮޑަށް ދަށްވެފައި މިވަނީ އެހެން ނަސްލުތަކުގެ މީހުން ވަޒަންވެރިވެފައިވާ ހިސާބުތަކުގައިކަންވެސް އެބިއުރޯއިން ވަނީ ހާމަކޮށްފައެވެ. ނަމަވެސް އެހެން ނަސްލުތަކަށް ނިސްބަތްވާ މީހުންގެ އަދަދު 60 އިންސައްތައަށް ވުރެން މަދުވާނެކަމަށް ބުނެފައިވެއެވެ. އަދި މިއީ ކުދިން އުފަންވެފައިވާ މިންވަރު ދަށްވުމުން ދައްކާ އަދަދުތަކެއްކަމަށްވެސް އެ އިދާރާއިން ހާމަކޮށްފައިވެއެވެ.
