ގދ. ގައްދޫ އިން ރެންޑަމް ސާމްޕަލްތަކެއް ޕޮޒިޓިވްވެ އެރަށް މޮނީޓަރިންގ ހާލަތަށް ގެނެސްފި އެވެ.
މައުލޫމާތު ލިބިފައިވާ ގޮތުގައި އެރަށް މޮނީޓަރިންގ ހާލަތަށް ގެނެސްފައިވަނީ މިއަދު އެރަށުން 7 މީހަކު ކޮވިޑަށް ޕޮޒިޓިވް ވުމާއި ގުޅިގެންނެވެ. އެގޮތުން މިއަދު އެރަށުން ޕޮޒިޓިވްވެފައިވަނީ މިދިޔަ ހޮނިހިރު ދުވަހު އެރަށުން ޕޮޒިޓިވްވި މީހާގެ ޑައިރެކްޓް ކޮންޓެކްޓުންގެ ގޮތުގައި ދެނެގަނެވުނު 7 ފަރާތެކެވެ.
މިއަދު ޕޮޒިޓިވްވި 7 މީހުންނާއި އެކު ގައްދޫގެ އެކްޓިވް ކޭސްގެ އަދަދު ވަނީ 8 އަށް އަރާފައި އެވެ.
ހޮނިހިރު ދުވަހު އެރަށުން ޕޮޒިޓިވްވި ފަރާތަކީ މިމަހުގެ 18 ވަނަ ދުވަހު އެރަށުގެ ސިއްހީ މަރުކަޒަށް ޑޮކްޓަރަށް ދެއްކި ފަރާތެކެވެ. އަދި އެމީހާއަކީ އޭގެ 2 ދުވަސްކުރިން ފުވައްމުލަކުން އެރަށަށް ދަތުރުކުރި ފަރާތެކެވެ.
މުޖުތަމައުގެ ތެރެއިން ކޮވިޑް ފެނި އެރަށް ގިނަ ދުވަސްތަކެއް ބަންދުގައި އޮތުމަށްފަހު ހުޅުވާލި މިދިޔަ މަހުގެ 18 ވަނަ ދުވަހު އެވެ.
