މޯލްޑިވްސް އިމިގްރޭޝަންގެ ޚިދުމަތްތައް ލާމަރުކަޒުކުރުމުގެ ގޮތުން ގދ. ތިނަދޫގައި އިމިގްރޭޝަންގެ އޮފީހެއް ގާއިމްކުރުމަށް ނިންމާފައިވާ ކަމަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު އަޙްމަދު ޙުސެއިން ވިދާޅުވެއްޖެ އެވެ.
އިމިގްރޭޝަން ކޮންޓްރޯލަރ ވިދާޅުވެފައިވަނީ މި ނިންމުން ނިންމާފައި މިވަނީ ތިނަދޫ ކައުންސިލާ އެކު މަޝްވަރާ ބައްދަލުވުމެއް ބޭއްވުމަށް ފަހު އެބޭފުޅުންގެ ފުރިހަމަ ތާއީދާއި އެކުގައި ކަމަށެވެ. އަދި އިމިގްރޭޝަން ޙިދުމަތްތައް ލާމަރުކަޒުކޮށް އަތޮޅުތަކުގެ ރައްޔިތުންނަށް ފަސޭހައިން އެ ޚިދުމަތްތައް ލިބޭނެ އިންތިޒާމްތައް ހަމަޖެއްސުމަށް މަސައްކަތް ކުރެވެމުންދާ ކަމަށާއި މިއަންނަ އަހަރު ތެރޭގައި ތިނަދޫގައި އިމިގްރޭޝަން އޮފީހެއް ގާއިމް ކުރެވޭނެ ކަމަށްވެސް ކޮންޓްރޯލަރ ވިދާލުވި އެވެ.
މީގެއިތުރުން ތިނަދޫގައި ޕާސްޕޯޓުގެ ޙިދުމަތްދޭން ފެށުމަށާއި، ގަވާއިދާއި ޚިލާފަށް އުޅޭ ބިދޭސިންގެ މައްސަަތައް ހައްލުކުރުމަށް އިކޮނޮމިކް މިނިސްޓްރީއާއި ގުޅިގެން ކުރާ މަސައްކަތުގައި ތިނަދޫ ކައުންސިލުން އެއްބާރުލުން ދިނުމާއި ގުޅޭގޮތުން މި ބައްދަލުވުމުގައި ވަނީ ވާހަކަ ދެކެވިފައެވެ.
