އައްޑޫ ސިޓީގައި ކޮވިޑް-19 އަށް ފަރުވާ ހޯދަމުންދިޔަ މީހަކު ނިޔާވެއްޖެ އެވެ.
އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) އިން ބުނެފައިވަނީ ނިޔާވެފައިވަނީ އައްޑޫ ކޮވިޑް ފެސިލިޓީގައި ފަރުވާ ހޯދަމުންދިޔަ އުމުރުން 97 އަހަރުގެ ފިރިހެނެއްް ކަމަށެވެ. އަދި އޭނާ ނިޔާވެފައިވަނީ މިއަދު ހެނދުނު 07:50 ހާއިރު ކަމަަށް އޭއީއެޗް އިން ބުނެފައިވެ އެވެ.
Today at 7:50am a 97-year-old covid positive Maldivian Male brought from FVM to ACMF on 26th Sep for further treatment has passed away.
This is the 4th COVID-19 death in Addu City
Our thoughts and prayers are with the bereaved family.إِنَّا لِلّهِ وَإِنَّـا إِلَيْهِ رٰجِعونَ
— Addu Equatorial Hospital (@aeh_mv) October 8, 2021
މިއީ އައްޑޫގައި ކޮވިޑް ޖެހިގެން މަރުވި 4 ވަނަ މީހާއެވެ.
ކޮވިޑް-19 ގެ ހާލަތު ރަނގަޅުކުރުމަށް ސަރުކާރުން އެޅި ފިޔަވަޅުތަކުގެ ސަބަބުން ރިޕޯޓުކުރެވޭ ކޭސްތަކުގެ އަދަދު ވަނީ ދަށަށް ގޮސްފައެވެ. އެހެންނަމަވެސް އައްޑޫ ސިޓީގެ ކޮވިޑް ހާލަތު ރަނގަޅުވަމުން ނުދާތީ އެ އަތޮޅުގެ ރައްޔިތުން ދަނީ ކަންބޮޑުވުން ފާޅުކުރަމުންނެވެ.
މިހާރުވެސް 1500 އަށް ވުރެ ގިނަ މީހުން ދަނީ އެ އަތޮޅުގައި ކޮވިޑަށް ފަރުވާ ހޯދަމުންނެވެ.
މިއާއި އެކު ކޮވިޑް ބަލީގައި ރާއްޖެއިން ނިޔާވި މީހުންގެ އަދަދު މިވަނީ 233 އަށް އަރާފައެވެ.
