އައްޑޫ ސިޓީގެ ސިއްހީ ދާއިރާ ފުނޑާލައިފައިވާ ކަމަށް އައްޑޫ ފޭދޫ ދާއިރާގެ މެންބަރު މުހައްމަދު ނިހާދު ވިދާޅުވެއްޖެ އެވެ.

މެންބަރު ނިހާދު ކުރެއްވި ޓްވީޓެއްގައި ވިދާޅުވެފައިވަނީ އައްޑޫގެ ސިއްހީ ދާއިރާ ފުނޑާލައިފައިވާ ކަމަށާއި ސަރުކާރާއި ރައްޔިތުންނާއި ދޭތެރެ ޖައްސަން ހިންގަމުންދާ ނޭތްގާނީ އަމަލުތައް ވަގުތުން ވަގުތަށް ހުއްޓުވާ ހައްލުކޮށް ދިނުމަށް ގޮވާލާ ކަމަށެވެ.

ނައިބް ރައީސް ފައިސަލް ނަސީމްވެސް ޓެގް ކުރައްވާ ނިހާދު ކުރެއްވި މި ޓުވީޓުގައި ވިދާޅުވެފައިވަނީ އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) ގެ އިތުރުން އެހެނިހެން ހެލްތު ސެންޓަރުތަކުގެ ހިދުމަތްތައް ގޯހުން ގޯހަށް ވައްޓާލައިފައިވާ ކަމަށެވެ.

#AdduCity Sihhee dhaairaa fundaalaifi! Sarukaaraai Rayyithunnaai jassan Hingamun dhaa neyhgaanhi amalu Vaguthun vaguthah huttuvai hallu koh dhinumah govaalan! AEH adhi ehenihen Health Center thakuge hidhumaih goahun goahah vattaalaifi! @MusthafaLuthufy @FaisalNasym @ali_shiyam

— Feydhoo Meehaa (Mohamed Nihad) (@nihad_m) October 8, 2021

ނިހާދު ޓްވީޓް ކުރައްވާފައި މިވަނީ އައްޑޫ ސިޓީގައި ހުންނަ ކޮވިޑް މެނޭޖްމަންޓް ފެސިލިޓީގައި ފަރުވާ ހޯދަމުން އަންނަ އުމުރުން ދުވަސްވީ މީހަކު ބަނދެގެން ފަރުވާދޭން އުޅޭ ކަމުގެ އަޑުތަކެއް ފެތުރިފައި ވަނިކޮށެވެ.