ގެއްލިގެން ހޯދަމުންދިޔަ ރާމިޒާ ފެނިއްޖެ ކަމަށް ފުލުހުން ބުނެފިއެވެ.
ރާމިޒާ ގެއްލިގެން ހޯދަން ފުލުހުން އިޢްލާނު ކޮށްފައިވަނީ އޭނާ އާއިލާއަށް ޚަބަރެއްނުވެ ގެއްލިފައިވާ ކަމަށް 2024 ޖަނަވަރީ 24 ވަނަ ދުވަހުގެ 20:37 އެހައިކަންހާއިރު ރިޕޯޓުކޮށްގެނެވެ. އެރިޕޯޓާއި ގުޅިގެން އޭނާ ހޯދުމުގެ މަސައްކަތް ފުލުހުން ކުރަމުންދާ ކަމަށް ކުރިން ފުލުހުން ބުނެފައިވެއެވެ.
މީގެއިތުރުން މަރްޔަމް ރާމިޒާ އެންމެ ފަހުން އާއިލާއަށް ފެނިފައިވަނީ ޖަނަވަރީ 23 ވަނަ ދުވަހުގެ 21:00 އެހަކަންހާއިރު އޭނާ ދިރިއުޅޭ ގެއިން ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށްވެސް ފުލުހުން ބުނެފައިވެއެވެ.
މިއަދު 11:40 އެހައިކަންހާއިރު މާލެއިން މީހާ ވަނީ ފެނިފައި. ހާލު ރަނގަޅު. https://t.co/ZtH8pIeMoX
— Maldives Police (@PoliceMv) January 25, 2024
އޭގެ ފަހުން ފުލުހުން ބުނެފައިވަނީ ދ.މީދޫ / ދުނބުރިމާގެ، (މިހާރު ދިރިއުޅޭ އެޑްރެސް: ވ. ލަކީސްޕޮޓް) މަރްޔަމް ރާމިޒާ (36އ) މާލެއިން ފެނިފައިވާ ކަމަށެވެ. އަދި އޭނާގެ ޙާލު ރަނގަޅު ކަމަށްވެސް ފުލުހުން ވަނީ ބުނެފައެވެ.
